影片
更多
2019-02-26
908 浏览
上次嚟食咗蒸气火锅 见到个餐牌啲小菜同埋隔离枱食小菜已经好想试，今次揾埋阿爸阿妈老婆嚟食小菜 首先咩都唔使讲一个蓝妹嘅fans见到$14.8一支真系超级市场都买唔到，整支啤酒先因为佢哋唔食鲍鱼，唔食龙虾伊面，所以试唔到呢两个优惠，但系我哋叫咗蒸鱼，片皮鸭，乳鸽，同埋两款小菜蒸鱼非常好食，88蚊真系使讲嘢 算大条，四个人， 如果夹埋其他𩠌仲未必食得晒片皮鸭半只，佢喺您隔离即场片，片左八片 ，八块皮，八条青瓜，冇京葱 四个人食每人两份， 酱汁味道ok，是一般的海鲜酱 。但好老实58蚊， 讲真我上个星期去小南国食， 如果系盲测嘅话， 我真系觉得两间唔系差好远，但系小南国成四旧几水片皮鸭两食。。。乳鸽 $18.8 一只，你绝对会忍唔住叫人头一只 ，但系同一时间亦都会食唔晒 佢唔算大只， 但系肉汁非常之多， 而亦都系即炸，非常之脆同热我个人本身对乳鸽冇乜特别喜好 但呢间乳鸽整得非常好食。不过佢啲乳鸽系一开二， 我建议一开四会容易食啲子姜蒸鱼云呢个系我妈叫嘅， 我个人就冇乜抗拒但系应该唔系啱所有人胃口子姜好食，鱼云好食， 佢仲有少少梅子酱 姜汁菜心呢个就争啲啦， 菜心老我唔系好介意 但系佢咁长我就
见到个餐牌啲小菜同埋隔离枱食小菜已经好想试，今次揾埋阿爸阿妈老婆嚟食小菜
首先咩都唔使讲
一个蓝妹嘅fans见到$14.8一支
真系超级市场都买唔到，整支啤酒先
因为佢哋唔食鲍鱼，唔食龙虾伊面，所以试唔到呢两个优惠，但系我哋叫咗蒸鱼，片皮鸭，乳鸽，同埋两款小菜
蒸鱼非常好食，88蚊真系使讲嘢
算大条，四个人， 如果夹埋其他𩠌
仲未必食得晒
片皮鸭半只，佢喺您隔离即场片，片左八片 ，八块皮，八条青瓜，冇京葱
四个人食每人两份， 酱汁味道ok，是一般的海鲜酱 。
但好老实58蚊， 讲真我上个星期去小南国食， 如果系盲测嘅话， 我真系觉得两间唔系差好远，但系小南国成四旧几水片皮鸭两食。。。
乳鸽 $18.8 一只，你绝对会忍唔住叫人头一只 ，但系同一时间亦都会食唔晒
佢唔算大只， 但系肉汁非常之多， 而亦都系即炸，非常之脆同热
我个人本身对乳鸽冇乜特别喜好
但呢间乳鸽整得非常好食。
不过佢啲乳鸽系一开二， 我建议一开四会容易食啲
子姜蒸鱼云
呢个系我妈叫嘅， 我个人就冇乜抗拒
但系应该唔系啱所有人胃口
子姜好食，鱼云好食， 佢仲有少少梅子酱
姜汁菜心
呢个就争啲啦， 菜心老我唔系好介意
但系佢咁长我就好介意， 因为你老已经咬唔开，仲要咁长件事就好难食啦
同埋系完全冇姜汁味
呢碟嘢要收78蚊， 下次醒目唔好叫
鱼肚杞子浸时蔬
呢个鱼肚畀得好客气，你会觉得似猪皮
而且我觉得亦都好足够 ，只不过个汤底冇乜味
埋单 $627
讲真有片皮鸭，有乳鸽，有蒸鱼，有啤酒 呢个价钱真系抵到烂
佢仲畀咗张应该八人枱我四个人坐
当然环境你话系咪会富丽堂皇就一定唔系㗎啦
而佢喺太子站行过嚟都要六七分钟
又唔系十分就脚
但系针冇两头利
我个人就非常满意
呢啲对于我嚟讲系一啲抗通胀酒楼
依家执一间少一间
所以我跟住落嚟嘅饭局都会嚟要再食
张贴
