影片
更多
2024-09-24
702 浏览
我平时好少主动去食虾汤拉面，因为绝大部份嘅店都系用樱花虾🦐，而樱花虾嘅味道非常霸道，只要有佢，其它味道荡然无存。因为呢间店，食评上好多人都话虾拉面好食，我又姑且试佢一试啦。海老🦐拉面🍜香味 (4/5) - 斋讲香味嘅话，虾味当然系够晒香，所以高分都正常。汤头 (3/5) - 如上所讲，樱花虾嘅味主导晒所有其它味道，除左樱花虾嘅味，真心食唔出其它味。不过，浓度够，咸度刚好，算合格。面条 (3/5) - 佢可以拣幼面或粗面，我认为海鲜系汤头，比较夹幼面，所以拣左幼面。呢款幼面都几好，直身，用左全粒粉，所以口感有咬口，有层次。不过，同一个问题，除左虾味之外，食唔到面条本身嘅小麦香。配料 (2.5/5) - 既然系海老🦐拉面，主角当然睇只虾。一试，ok，系雪虾，质素似食紧超级巿场d炸虾咁，唔算难食，但唔配做主角。反而，另一位本身应该系配角，但荣升左做主角嘅系块超大嘅五花腩叉烧，因为佢存在感实在太重。一试，哗，油腻到呢。五花腩肥就预左，只系佢可能落左极多牛油去煎香，牛油味超重，油腻到一个点，加埋d肥膏，真心顶唔顺。只蛋呢 (要额外叫)，系唯一可以赞嘅。蛋嘅表面非常光滑，食落味道偏甜，似系味醂嘅味
因为呢间店，食评上好多人都话虾拉面好食，我又姑且试佢一试啦。
海老🦐拉面🍜
海老🦐拉面🍜
$92
5 浏览
0 赞好
0 留言
香味 (4/5) - 斋讲香味嘅话，虾味当然系够晒香，所以高分都正常。
汤头 (3/5) - 如上所讲，樱花虾嘅味主导晒所有其它味道，除左樱花虾嘅味，真心食唔出其它味。不过，浓度够，咸度刚好，算合格。
面条 (3/5) - 佢可以拣幼面或粗面，我认为海鲜系汤头，比较夹幼面，所以拣左幼面。呢款幼面都几好，直身，用左全粒粉，所以口感有咬口，有层次。不过，同一个问题，除左虾味之外，食唔到面条本身嘅小麦香。
配料 (2.5/5) - 既然系海老🦐拉面，主角当然睇只虾。一试，ok，系雪虾，质素似食紧超级巿场d炸虾咁，唔算难食，但唔配做主角。
反而，另一位本身应该系配角，但荣升左做主角嘅系块超大嘅五花腩叉烧，因为佢存在感实在太重。一试，哗，油腻到呢。五花腩肥就预左，只系佢可能落左极多牛油去煎香，牛油味超重，油腻到一个点，加埋d肥膏，真心顶唔顺。
只蛋呢 (要额外叫)，系唯一可以赞嘅。蛋嘅表面非常光滑，食落味道偏甜，似系味醂嘅味。成只蛋，我系 enjoy 住，珍而重之咁去食每一啖。
溏心蛋
$13
47 浏览
0 赞好
0 留言
溏心蛋
$13
40 浏览
0 赞好
0 留言
整体 - 不推荐。但如果你偏好食虾拉面，一试无妨。
张贴
