影片
更多
2020-12-28
645 浏览
曾经喺广福邨起家冬菇亭烧卖既参叔，同姪仔系同邨街市开舖做烧卖，但同姪仔反目成仇，被拆伙，其后高山粉果烧卖就由姪仔管理，踢走左参叔，全因为一个钱字。三叔谷气下自己喺昌运中心开咗依间新铺，同高山划清界线。烧卖由细食到大，但卖烧卖又可以排长龙嘅香港应该得几间，而呢间粉果佬就系其中一间。-排队🧍🧍🧍店舖系12:00开始营业，当日系星期日晏就13:20到达，排队时前面大概有25个人，等咗大概20分钟就排到，基本上日头时间条龙都差唔多25人或以上，有试过夜晚经过得十几人。-Menu📋除咗热卖嘅粉果同烧卖，仲有提供鱼肉碗仔翅、生菜鱼肉、碗仔翅同埋咖喱鱼蛋。因为粉果同烧卖都系店舖嘅招牌，为免好快卖晒要客人等出炉，每人限买$30烧卖同埋$20粉果。-1️⃣ 烧卖💰10（👅: 9/10）烧卖系用地鱼、鲨鱼肉同猪肉用机器混和之后，人手打成内馅，将鱼浆内搓翻搞，一拳一拳打到佢起胶从而富黏性，喺店后嘅位置即包即蒸。鲨鱼肉肉质弹嫩，而猪肉系五花肉，令烧卖增加油香。虽然工序非常复杂，但参叔坚持怀旧嘅味道就系足料、够味、烟韧。烧卖蒸前同蒸后基本上大细冇乜点变，因为鱼肉膨胀系数巨猪肉多好多，可以证明烧卖内馅系猪肉比较多，而
曾经喺广福邨起家冬菇亭烧卖既参叔，同姪仔系同邨街市开舖做烧卖，但同姪仔反目成仇，被拆伙，其后高山粉果烧卖就由姪仔管理，踢走左参叔，全因为一个钱字。三叔谷气下自己喺昌运中心开咗依间新铺，同高山划清界线。烧卖由细食到大，但卖烧卖又可以排长龙嘅香港应该得几间，而呢间粉果佬就系其中一间。
-
排队🧍🧍🧍
店舖系12:00开始营业，当日系星期日晏就13:20到达，排队时前面大概有25个人，等咗大概20分钟就排到，基本上日头时间条龙都差唔多25人或以上，有试过夜晚经过得十几人。
-
Menu📋
除咗热卖嘅粉果同烧卖，仲有提供鱼肉碗仔翅、生菜鱼肉、碗仔翅同埋咖喱鱼蛋。
因为粉果同烧卖都系店舖嘅招牌，为免好快卖晒要客人等出炉，每人限买$30烧卖同埋$20粉果。
-
1️⃣ 烧卖💰10（👅: 9/10）
烧卖
$10
27 浏览
2 赞好
0 留言
烧卖系用地鱼、鲨鱼肉同猪肉用机器混和之后，人手打成内馅，将鱼浆内搓翻搞，一拳一拳打到佢起胶从而富黏性，喺店后嘅位置即包即蒸。鲨鱼肉肉质弹嫩，而猪肉系五花肉，令烧卖增加油香。虽然工序非常复杂，但参叔坚持怀旧嘅味道就系足料、够味、烟韧。
烧卖蒸前同蒸后基本上大细冇乜点变，因为鱼肉膨胀系数巨猪肉多好多，可以证明烧卖内馅系猪肉比较多，而粉或者鱼肉比较少，但因为系人手做，所以粒粒卖相都会不一致，外皮睇落油亮香滑。
烧卖
$10
29 浏览
2 赞好
0 留言
烧卖闻落去好香，应该系因为加咗冬菜，食落去，食到肉嘅质感，口感烟韧弹牙，唔会话食到重粉嘅感觉，都唔会话食到好重味精，感觉系食紧怀旧味重嘅烧卖，会令人勾起童年回忆。大细适中，味道鲜甜而带咸香，皮够薄身，鱼味重，真系所谓嘅拳拳到肉粒粒有鱼，夸张啲咁讲好似有鱼系个口游水咁，鲜而不醒。
配烧卖嘅豉油都系加分，唔会话太咸盖过左烧卖嘅味道，好食嘅豉油应该系有少少甜味，而店舖系故意加啲炒蒜，从而带出个甜味。
而辣椒油系自家炒制，香而不呛，越食越过瘾，不过有啲辣，强劲嘅后劲，唔食得辣嘅人未必接受到，而呢个自家制既辣椒油系可以买走一樽樽
-
2️⃣ 家乡粉果💰10（👅: 7.5/10）
家乡粉果
$10
25 浏览
2 赞好
0 留言
粉果系用虾米、芹菜、菜脯同沙葛制成，会将菜脯搞碎，揸干入边嘅水份。虾米会炒至金黄焦香，加上菜脯，炒至干身，之后加上芹菜令到口感香口，再加上爽甜嘅沙葛干炒去除草青味，最后加上干葱头、糖同充满油脂嘅猪油渣炒匀，就完成粉果嘅内馅。
家乡粉果
$10
22 浏览
2 赞好
0 留言
以外皮系用有弹性嘅木薯粉，加入澄粉去增加色泽，为左个皮软熟而加生粉，加上可以令粉果变滑嘅太白粉，用冷热水中和以上材料，差成粉果皮之后切成均称嘅大细，再做成一块块厚薄平均嘅粉果皮。
为咗唔会令粉果爆皮，内馅嘅份量要适中，但又唔可以唔足料，一茶匙嘅内馅就足够，最后蒸15分钟就可以品尝到呢个工序复杂、材料唔马虎嘅粉果。
粉果外皮较烟韧，冇落花生，同传统嘅潮州粉果做法有少小分别。
皮我觉得系厚得济，而且比较韧，个人觉得唔系几对我口味，可能系打皮既问题，虽然冇落花生但系识落系似潮州粉果。馅食落爽口，但识落唔系好食得味道上有几丰富。粉果食落冇烧卖咁出色，但依个价钱食到三粒粉果个人觉得系几抵食，但依个味道值唔值得山长水远嚟一试就值得商榷。
-
🌟香港大部份嘅烧卖都系入货，入货嘅烧卖好食极有限，粉多个鱼肉，而人手做嘅烧卖实在少之又少，依间烧卖实在系食到鱼味，而价钱亦都合理，粉果就觉得冇烧卖咁出色，可能个人口味问题，但我觉得为咗食依家可能系全香港最好食嘅烧卖，系值得山长水远嚟一试，但日头嚟食就要有心理准备排队。
-
👅味道: 9/10
🍴环境: 6/10
💰消费: 20 (服务费: NA)
张贴
