影片
更多
2008-08-09
52 浏览
** 此 食 肆 的 第 一 个 OK **寻日(8-8-2008 Fri)因唔知请唔请假同爸妈去昂坪好,迟o左起身.见有黄雨,即系唔适宜去,咁我就临急临忙换衫返工.由于未食早餐,所以肚饿,而呢间系上月新开张,我问同事呢o度食o野o既价钱系点,佢答同味皇一样.唔…..咁我试吓呢间啦.佢早餐都只系$20.00,我拣o左F餐,有锣丝粉,餐肉炒蛋,牛油餐包同一杯热饮.o系等o既时候亦顺手攞张外卖纸.买好喇,返到公司打开,即影返啲相先.咦?!锣丝粉浸o系红色o既汤,而唔系普遍清汤o度o既?唔系罗宋汤o黎o架?我臭吓,真系罗宋汤o黎o架,唔系嘛?第一次食锣丝粉系加入罗宋汤o度.影完相,先食炒蛋,冇咩味,好似冇落盐,午餐肉都系咁啦.而锣丝粉就唔太腍,重有少少𪪼牙o既,不过罗宋汤就偏辣多啲,酸味甚少,而且畀我o既感觉系隔夜汤.唉!至于个餐包系唔热o既,我唔系几钟意食呢个餐包,食o左半个都唔食喇.服务: 冇问题啦.环境: 够光猛,新装修又有电视睇,感觉好似几好咁啦.不过我睇佢o既外卖纸时发觉,原来佢啲午餐就只有罗宋汤,唔通佢o地只整一种西汤?
寻日(8-8-2008 Fri)因唔知请唔请假同爸妈去昂坪好,迟o左起身.见有黄雨,即系唔适宜去,咁我就临急临忙换衫返工.
由于未食早餐,所以肚饿,而呢间系上月新开张,我问同事呢o度食o野o既价钱系点,佢答同味皇一样.唔…..咁我试吓呢间啦.
佢早餐都只系$20.00,我拣o左F餐,有锣丝粉,餐肉炒蛋,牛油餐包同一杯热饮.o系等o既时候亦顺手攞张外卖纸.
买好喇,返到公司打开,即影返啲相先.咦?!锣丝粉浸o系红色o既汤,而唔系普遍清汤o度o既?唔系罗宋汤o黎o架?我臭吓,真系罗宋汤o黎o架,唔系嘛?第一次食锣丝粉系加入罗宋汤o度.
影完相,先食炒蛋,冇咩味,好似冇落盐,午餐肉都系咁啦.
而锣丝粉就唔太腍,重有少少𪪼牙o既,不过罗宋汤就偏辣多啲,酸味甚少,而且畀我o既感觉系隔夜汤.唉!至于个餐包系唔热o既,我唔系几钟意食呢个餐包,食o左半个都唔食喇.
服务: 冇问题啦.
环境: 够光猛,新装修又有电视睇,感觉好似几好咁啦.
不过我睇佢o既外卖纸时发觉,原来佢啲午餐就只有罗宋汤,唔通佢o地只整一种西汤?
张贴
