極上千島櫻海景放題 (已結業)

除夕夜嚟到食放题，价钱比平时贵唔紧要，因为预左，加价系正常，但系食物唔加码，都应该保持平日水平，但系最好口碑嘅牛舌售罄，都算，但鲍鱼仔本来已经细只，仲要切薄片🤪偶有漏单情况，最离谱系盐烧鸡软骨串，由坐低落单，到重复3次落单，中间追过1次，到最后last  order再追单，才终于有得食，但食落口，竟然有少少雪藏味。😡 必食推介:马拉盏抄揶菜 (马拉盏味够香浓)纽西兰香草羊架 (肥瘦适中，刚刚熟，不太韧)帆立贝刺身(够厚身)三文鱼刺身(够厚身，肥美)北寄贝刺身(新鲜)西京烧比目鱼(煎得香脆)荣螺片(爽口) 可以一试:牛油烧翠肉瓜(ok, 多汁)有机鲜菠萝串(ok, 鲜甜)日式寿喜锅 (汤过甜)鲍鱼仔军舰 (缩水，只得切片鲍鱼仔)瑶柱滑鸡粥 (水太多，但味ok) 中伏之选:迷你海胆手卷 (很腥)黄金咖哩炒蟹 (咖哩汁太杰)黄金芝士烧帆立贝 (沙律酱太多)土匪鸡翼 (全无土匪味)温室南瓜天妇罗 (粉浆太厚，南瓜唔甜) 其他食物都系一般放题食物、质素，无惊喜、无特别，如果唔系讲环境，其实一般日式放题都系咁上下。