泛后甜品 (已結業)

黎到元朗，本身打算顺便过黎B仔鸡翼尖朝圣，不过实在太多人喇，唔想再等位嘅我，就去左佢对面嘅甜品铺。铺头装修简单，仲有啲旧香港味，相信都经营左一段年头。我去果时算早，人流唔算特别多。蛋白炖奶(姜汁） $21味道可以，奶香味出，虽然唔算好滑，但都系合格嘅水准。不过姜汁落得唔多，都冇乜姜味，当佢系普通糖酱会心理平衡啲。香芋西米露 $21最好食嘅香芋系绵绵地嘅，但呢度唔单止唔绵，仲有少少硬，搞到香芋同西米露系完全分开晒，冇夹过。唔好嘅香芋系唔香嘅，西米露虽然都算系煮得粒粒分明，但椰汁落得太少，好似饮紧米白色嘅清水咁。总括黎讲，如果纯粹想揾个甜品食下，系可以嘅。但如果有时间，有少少要求嘅，都系食番前面B仔会更好。