Superhooman (已結業)

近期见到IG好多人嚟打卡，于是又嚟试吓！装修走工业风，楼底好高，同时门口亦好高，所以坐门口位置其实无咩冷气，都几热。食物选择都多，轻食、主食、特色甜品，到精品咖啡都一应俱全。Mocha ($42)口感柔滑，朱古力味较重抢咗咖啡嘅味道，同埋争咁啲甜味。松软小班戟配山楂士多啤梨汁及雪糕 ($98)为咗呢个甜品而嚟，可惜有啲失望！卖相唔错，不过班戟唔系粒粒都松软绵密，而且味道有啲淡，点雪糕嚟食味道就会好啲！