Heima Heima

营业中

休息中

点解拣星期四入长洲玩，全因为呢间咖啡店只开星期四、五 & 六，每日只开5 - 5.5小时，其余日子都系休息，咖啡店个位置系西堤个边，同码头都有一段距离，烈日当空行到去都真系流晒汗咖啡店有室外同室内，酷热天气下相信都会想即刻冲入室内凉冷气，以简约日系装修为主调，有间房仔仲以榻榻米作布置，真系好有日本家的感觉日本蜜柑卷蛋卷蛋都仲几松软，入面既蜜柑唔算好甜，整件味道清新唔腻柚子抹茶芝士蛋糕抹茶芝士蛋糕都几幼滑，仲食到一粒粒既柚子肉系入面，增添口感之余亦都减左芝士蛋糕既腻苹果批配雪糕苹果批上铺满了一片片既苹果，个批又薄又酥脆，仲食到好香既肉桂味，再加球云呢拿雪糕，真系好match冻青柠咖啡梳打Tonic 其实系好高糖份既饮品，所以转了梳打，espresso 同青柠梳打既配搭味道系几fresh，能真正饮到咖啡同青柠既原味冻青柠梳打因为唔想饮太多咖啡因，所以无加espresso，无糖既青柠梳打透心凉又解渴Latte奶泡打得好绵滑，拉花线条好清晰，整杯口感顺滑食物同饮品都还好的，但我觉得咖啡店比较污糟，榻榻米张枱d渍无人清洁(我自己抹返干净)，冷气机铺满晒一旧旧既尘，张榻榻垫更加有头发，我直情唔想坐