百利冰室 (已結業)

近期多本杂志都介绍上环新店百利冰室, 今日特别去试吓!以往进驻栢庭坊均为中高价食肆, 一个SET LUNCH都要百五以上, 百利既出现可以话系突破, 因一个午餐都系五十几蚊, 平过翠X多多声。 百利冰室reception以大剧院作主题, 个个等位都响到丧拍, 所以都唔觉得闷。香港寸金尺土, 场内得意DECOR货真价实, 好似上图汽水柜, 真系见到老板响个柜都攞冻汽水! (可惜系罐装, 如果系"维他"支装仲正)。秘制鸡脾饭配双蛋 ($58)卖相绝对怀旧, 令人想起中学年代碟头饭。双蛋指明要太阳蛋, 但煎出来的效果尤如八成熟, 蛋汁失去流心效果; 未有蛋汁配合, 令饭有点干, 幸好枱面有一支豉油帮手调味, 未至太寡。鸡脾用刀轻割一下, 立即标出一堆油 (食咗咁多次炸脾, 干脾见好多, 标油脾都系第一次见), 有机会系厨房无做 "迫油" 动作。鸡脾食得出有用南乳, 但可能腌制时间不足, 未太入味。茶走 (奶茶 + 炼奶) - 跟餐炼奶充足, 但所谓 "水滚茶靓", 百利的奶茶水温明显不足, 上枱都唔使吹冻就饮得, 茶香未能发挥之余, 炼奶搅好多吓先融。午餐一览