潮福蒸氣石鍋 (已結業)

一行十人，每人$298所谓海鲜任食2小时30分钟（另加酱料钱、加一）。之前在青衣分店食过三次好满意，因这间近阿妈家才大胆试试，然后发觉做人都系唔好咁大胆。先旨声明，海鲜是新鲜美味，只是平日八点半钟已叫乜无乜，真系讲唔通。一坐低order两款炖汤，5分钟后话炖汤只剩一款，再10分钟后话只剩四碗，其余六位「特登」做个龙虾汤畀我地，点知出黎系虾壳水埋个薄献，各位试一啖立即放低叫佢攞走。楼面同厨房沟通差到无朋友。然后海鲜，八点半已无美国石蚝，九点半无哂竹蔗水，无红枣糕，话因为太好生意㖞。其实咁多野无，系咪应该停咗个任食餐？或者一早同客人说明，再由客人决定任食定散嗌？另奉劝大家，要早落单。𠮶位黑衫女部长，死都唔肯帮我落任食食物嘅单，话海鲜食到大半落单就得，好快出黎。点知食完海鲜有20分钟白等无野蒸，藉口系突然好多客。总之真系特登搭车入青衣都唔会再帮衬喱间分店。我老婆试过尖沙咀𠮶间亦发现招呼差、装修废、价钱唔同。厚福集团睇黎唔识管理。