湯加 (黃埔天地)

营业中

休息中

呢排成日出街食，食到有啲悶，同埋意識到食左好多油膩唔健康既野，所以今餐想食啲清淡少少嘅。最後選擇咗湯加，因為貪佢有條魚食吓，而家可以白飯免費轉藜麥飯，又好似健康少少😅我點咗條黃花魚，有湯又有飯。啲藜麥飯都易入口幾好食，不過份量就實在太少啦，差啲食完都仲肚餓🥲黃花魚好嫩滑，但有啲細骨，要小心食用，個湯係胡椒味嘅，湯入面有啲菇菌之類嘅嘢。呢個套餐要六十幾蚊，叫做可以接受，畢竟係夜晚。個場係明顯唔夠人手，得過阿姐要負責落單又要負責收錢。如果多人埋單嘅時候，要等好耐個阿姐先得閒幫你落單，但佢服務態度良好的。