GELATO COMBO

营业中

休息中

青衣城新开咗间Gelato嘅细booth，见佢又唔少特别嘅味道就试吓啦 。我就拣咗最 Classic嘅开心果味，最特别嘅南瓜味同奇异果雪葩 。首先对开心果味略失望因为佢味道偏甜开心果味唔够突出同食普通雪糕冇分别 。南瓜味反而有惊喜味道好接近南瓜蓉可能系南瓜本身嘅Textures就好适合做Gelato，特别绵滑 。食落就好似忌廉南瓜汤变成雪糕咁但同开心果一样都系偏甜。最后嘅奇异果味反而有惊喜！佢冇柠檬雪葩咁酸到苦，亦都唔会太甜，好好咁还原到水果清新嘅味道，亦中和返其他口味嘅Gelato，令到整体冇咁甜腻 。三只口味，但份量唔大 。埋单七十几，个人觉得唔太抵，外面咁多唔同埋Gelato嘅店唔少都做得好过佢，所以亦都唔会再考虑喺呢间食 。