泰苑小食

营业中

休息中

上星期日又去九龙城。今次无去同心，去咗泰苑。之前食过一次，但因那时喉咙不适，所以无食辣野。今次再黎，就系想试佢个虾饼。三个人，叫了干炒肉片河、沙嗲串烧、青木瓜沙律、虾饼 + 香草炒蚬。干炒肉片河好味，河粉够粗。炒得有镬气。亦够干身。比湿炒河好食，因为无湿炒河咁肥。沙嗲串烧有猪牛鸡。每样两串。我试咗牛同鸡。烧得够干身，牛肉惹味d，又浓牛味。沙嗲酱ok, 不过唔够辣。青木瓜沙律呢个一般，因为木瓜丝切得唔够幼。仲要有好多都系切唔断。所以唔够入味。味道不算太辣，惹味度亦不足。虾饼正正正！好弹牙！弹牙！真材实料，啖啖虾肉。香草炒蚬哗，d蚬好大只。系花甲嘅size，啖啖肉。味道鲜，不过有少少沙。酱汁味道不太浓，不会盖了蚬的鲜味。最后仲有个芒果糯米饭。呢个至掂。黑白糯米饭热辣辣，软软黏黏。配埋椰汁真系好正。芒果好甜，无根。