影片
更多
2022-09-21
348 浏览
第一次写食评，真系好嬲，可能讲得无咁好，请见谅。🙏🏻今日有两个钟放lunch，本身谂住去附近买少少野食算。见到咁啱有韩国嘢，又平平地，就落单叫咗9个餐。系出面门口等到大概30分钟左右，都未见有餐拎出嚟，就系门口吹咗下，就话等阵，仲整紧。等到第45分钟果阵，真系忍唔住，3个人行入去望住佢哋整，先见到佢哋慢慢咁将啲餐拎出嚟，唔知系啱啱好先整完定点。啲侍应系见到我哋系咁系入面吹佢哋出餐，先肯慢慢咁将呢9个餐pack好。前前后后足足用咗60分钟，先将啲餐送上我哋手上，搞到我哋由2个钟嘅lunch得返唔多1个钟。发誓我哋将啲餐由间餐厅拎返去我哋食嘅地方唔够10分钟，但当我哋打开晒啲面/饭果阵，真系好惊吓。 啲冷面同啲炸酱面系已经变成一旧咁，想捞都捞唔到，唔夸张，真系整断咗支木筷子，都捞唔匀。啲本身有汤嘅拉面我哋打开果阵系完全完全无晒啲汤，啲面又胀晒，试问如果啱啱整好，短短嘅唔够10分钟，会唔会令成碗面一啲汤都无？同埋我哋见间餐厅门口有写话每4个餐送泡菜/海鲜煎饼一份，所以我哋9个餐就各叫咗一份。首先，个泡菜煎饼系酸到好似倒咗成樽醋咁，唔知啲泡菜到达放咗几耐。而个海鲜煎饼就无味道，系完全无味道，得
今日有两个钟放lunch，本身谂住去附近买少少野食算。见到咁啱有韩国嘢，又平平地，就落单叫咗9个餐。
系出面门口等到大概30分钟左右，都未见有餐拎出嚟，就系门口吹咗下，就话等阵，仲整紧。等到第45分钟果阵，真系忍唔住，3个人行入去望住佢哋整，先见到佢哋慢慢咁将啲餐拎出嚟，唔知系啱啱好先整完定点。啲侍应系见到我哋系咁系入面吹佢哋出餐，先肯慢慢咁将呢9个餐pack好。前前后后足足用咗60分钟，先将啲餐送上我哋手上，搞到我哋由2个钟嘅lunch得返唔多1个钟。
发誓我哋将啲餐由间餐厅拎返去我哋食嘅地方唔够10分钟，但当我哋打开晒啲面/饭果阵，真系好惊吓。 啲冷面同啲炸酱面系已经变成一旧咁，想捞都捞唔到，唔夸张，真系整断咗支木筷子，都捞唔匀。啲本身有汤嘅拉面我哋打开果阵系完全完全无晒啲汤，啲面又胀晒，试问如果啱啱整好，短短嘅唔够10分钟，会唔会令成碗面一啲汤都无？
同埋我哋见间餐厅门口有写话每4个餐送泡菜/海鲜煎饼一份，所以我哋9个餐就各叫咗一份。首先，个泡菜煎饼系酸到好似倒咗成樽醋咁，唔知啲泡菜到达放咗几耐。而个海鲜煎饼就无味道，系完全无味道，得少少咸味。
到饮品方面，正正常常咁。不过唔明白点解啲冻饮无一杯有冰，后尾先发现有落到，不过全部溶晒。都系果句，10分钟路程点会令所有冰一次过溶晒？
唔通间餐厅真系要60分钟先整到9个外卖餐？好明显，啲餐其实一早整好晒，只系唔知点解系要60分钟先肯帮我哋装袋，服务态度非常差。
一个字，伏。服务又系，食物质素都系
张贴