嘩鬼拉麵 和風料理 (已結業)

每次揸车去元朗接老婆大人收工，娘亲大人一定要我嚟呢间买大件寿司返企孝敬佢…可以讲既系d寿司有进步(食咗几年，睇住佢进步)，由d三文鱼鱼生唔新鲜冇鱼味到宜家d鱼生总算似返d样，算好食过元X同X气！加上价钱唔贵，不过寿司上面块鱼生就几大块。d蟹籽就脆卜卜，剑鱼同吞拿鱼鱼生都唔差。不过上次同班朋友堂食就差咗D。叫咗两个set。一个系鸡饭，一个系吉猪饭，加埋饺子同蟹籽三文鱼沙律。饭就冇乜优缺点，都算好食，个饺子一早冇乜期望(卖寿司既铺头d饺子边会好食)，所以冇乜失望。个沙律d三文鱼居然冇外卖咁新鲜。侍应d效率同反应就真系差既，叫佢哋加茶，等咗成两个字，叫佢哋落单，好似撞聋咁。下次都系叫外卖嘞！