Olive ERA (已結業)

今日去到黄大仙一个就脚得黎，环境恬静既地方与女朋友共进晚餐。今日叫左唔少野食，第一样系生蚝分别有Gillardeau no2 同fine de Claire no1食个海鲜头盘开始今晚既晚餐～ 两款生蚝感觉都算新鲜，加上柠檬汁几开胃。之后叫左龙虾浓汤，配搭既面包同个汤几夹，旁边既香草沙津酱都好香香草味，但我个人真系钟意个汤多啲。系龙虾浓汤之后有龙虾意大利饭，佢用既意大利饭比较大粒，火箭菜、龙虾汁同小甜茄味道好夹。海胆扁意粉个汁都系龙虾汁，海胆既甘甜味几突出，意粉质地都唔错，算系今晚亮点。仲有一道系肉食主菜，肉眼扒，10oz好足量，薯条炸得好到位，我唔太钟意佢牛扒处理得有啲干，但整体味道都唔错。跟牛扒有三款汁，分别系胡椒汁、洋葱汁同红酒汁，我比较钟意洋葱汁，用黎点薯条几好食。食晒野会上饮品，叫左两款花茶，姜茶同个糖唔太夹但个bloody orange 既酸味几好饮。总结呢到其实离地机站都好近，但由于佢地理环境帮助下，感觉好恬静，坐落好舒服，适合倾下计。