喜尚嘉喜宴會廳

营业中

休息中

好耐无黎过喜尚嘉喜饮茶，今日阿爸阿妈约黎呢间，佢地话呢间濶落啲方便摆bb车㖞。一点几黎到已经劲多人等位，等左廿分钟倒开始问撘唔撘枱，话左撘，但上到去张大枱又比左人，我地几个撘枱嘅企哂系度无人理，真系火火地，好彩之后安排返枱比我地，唔使再排过咋。坐低叫野食，好多特价点心好平呀，假日都系七个八，平到咁真系有啲惊。唔理咁多，咩都叫哂先。香煎鲮鱼饼摆到明系炸唔系煎，但鱼肉都几弹牙，系油左啲。香煎马蹄糕烟烟韧韧马蹄又几爽口，甜甜地好味。皮蛋瘦肉粥好足料，食完无口渴，唔错。韮菜滑猪红得啲姜味，麻麻。炸芋丝春卷真系有一丝丝芋丝，少少猪肉，捞左五香粉，又炸得几香脆㖞。咸花生猪骨粥唔掂，碗粥酸嘅，怪怪味。味菜蒸大肠入味又多淋，但出左劲多油。凉瓜乳猪炒河唔系好大碟，但三十蚊有碟炒河，真系外卖都唔止呢个价。乳猪凉瓜都有几多件，个汁调味亦唔错，一个字，抵！三个人埋单都系百二蚊，平到笑，夏天黎凉下冷气都抵哂啦。