樂香園咖啡室 (已搬遷) 新店位置

陪人食。叫餐或者饭都好似太多，照旧：唔系鸡尾包，就系菠萝包。菠萝包依然系有菠萝茸o系皮度既菠萝包。唔知系咪「大热天时」既影响真系咁大，对于一个「灌焦糖浆」既人o黎讲，竟然觉得个菠萝包太干太甜- 系我口干干口淡淡，抑或系我太高估自己既嗜甜度？拍板人叫既蛋牛治下午茶餐加蛋挞，一o黎对我o黎讲太丰富，二o黎我觉得D 料唔够（睇惯o左肥大厚蛋治），三o黎我觉得个保暖柜已经「煎」干哂所有野...楼下柜台货好似真系好少少。佢系为咸牛肉而来。作为佢o系蛇窦既第一次，食物对佢o黎讲OK，但俾卫生情况同服务吓亲。我系为陪人而来。作为一个老茶常客，卫生同服务对我o黎讲OK，但今回楼上食物就唔多OK。有问何为我既心水蛋挞：讲o左好多间店，好多种挞，但始终讲唔出乜野系我心目中既心水蛋挞。一个好既蛋挞，至少要系一个刚出炉，D 蛋浆仲谷起紧既蛋挞。遇到好蛋挞，原来都要讲机缘巧合。