影片
更多
2014-12-31
2782 浏览
是晚，喺MK做完BODY MASSAGE, 忽然想锯扒，就嚟左呢度。同朋友叫左个二人餐，另外加左半打OYSTER，重加钱要多一杯HOUSE WHITE WINE.OK~讲下个二人餐包D咩先.......1. (头盘) - 白酒煮花甲 / 烟三文鱼沙律 (我地拣左烟三文鱼沙律)2. (汤) 黑松露杂菌汤 / 杂菜汤 / 周打鱼汤(我地拣左黑松露杂菌汤+杂菜汤)3. (主菜) 有7-8款 (我地拣左牛小排配鹅肝 + 肉眼排)4. (甜品) 心太软 / 拿破仑 / 芝士蛋糕 (我地拣左心太软 / 拿破仑)包两个饮品，$428@2另外再ORDER左半打嘅蚝系FINE DE CLAIRE.宜家系时候讲下食物质素先~~~1. (OYSTER) - FINE DE CLAIRE 系法国蚝，味道系应该带重d嘅海水味，偏咸dd，但亦都带甜 -->但呢度嘅fine de claire，非常之瘦，又细只，无海水味(直情系无味)，重要开到d蚝壳入哂d蚝度......$138半打，系唔抵，$138食呢d，不如拎$138去city super即开即食重好啦~~2. (头盘)我地叫烟三文鱼沙律，佢就嚟左花甲
同朋友叫左个二人餐，另外加左半打OYSTER，重加钱要多一杯HOUSE WHITE WINE.
OK~讲下个二人餐包D咩先.......
1. (头盘) - 白酒煮花甲 / 烟三文鱼沙律 (我地拣左烟三文鱼沙律)
2. (汤) 黑松露杂菌汤 / 杂菜汤 / 周打鱼汤(我地拣左黑松露杂菌汤+杂菜汤)
3. (主菜) 有7-8款 (我地拣左牛小排配鹅肝 + 肉眼排)
4. (甜品) 心太软 / 拿破仑 / 芝士蛋糕 (我地拣左心太软 / 拿破仑)
包两个饮品，$428@2
另外再ORDER左半打嘅蚝系FINE DE CLAIRE.
宜家系时候讲下食物质素先~~~
1. (OYSTER) - FINE DE CLAIRE 系法国蚝，味道系应该带重d嘅海水味，偏咸dd，但亦都带甜 -->但呢度嘅fine de claire，非常之瘦，又细只，无海水味(直情系无味)，重要开到d蚝壳入哂d蚝度......$138半打，系唔抵，$138食呢d，不如拎$138去city super即开即食重好啦~~
2. (头盘)我地叫烟三文鱼沙律，佢就嚟左花甲(员工问题，阵间讲)，我地当然叫佢换啦!!好，换左，讲下个SALAD，重差过椰林阁，D菜已经开始"生秀"咁走，果两旧烟三文鱼，好瘦又有筋，个Sauce好难食
3. (汤)黑松露杂菌汤 --> 我系饮，所以味道唔落comment啦，但叫得做黑松露汤，应该闻落已经要好香黑松露味，佢就.....完全系无啰.....
杂菜汤-->由于本人对杂菜汤有条引，好钟意饮，所以有得叫杂菜汤就会拣。呢度个杂菜汤无咩味，少少蕃茄酸味，但个汤拎到黎，成个汤碗都系汤，好似waiter 边行边倒"些"咁，留意，呢度系用d 好似法国餐咁嘅大汤碗......
4. (主菜)呢个真系重点啦，我食左牛小排(5oz)配鹅肝，鹅肝表面非常多油，其实煎鹅肝本身已经会出好多油，可以唔需要再落咁多去煎佢，块多士，同吸油纸作用系无分别
5oz嘅牛小排，由于知道系比rib eye薄，所以我叫3成熟!!点个佢就俾左个medium + medium well嘅我......又多筋，又唔juicy，佢话炭烧，但个面直情就有㶶味...........我叫炭烧牛扒，唔系炭味牛扒
另一个主菜肉眼排，叫7成，佢都真系7成嘅，但个表面都系㶶㶶地，真系好影响
5. (甜品)我食拿破仑，一。D。都。唔。酥。 (已经讲出个重点)
无牛油嘅香，块酥皮完全无接过，请问就是拿破仑吗?
朋友食心太软，好正常，唔太苦唔太甜，暖暖地........
6. (饮品)无咩特别，杯house white wine好酸，不过要饮靓酒，都唔会黎呢度既~~
因为环境黑，所以唔影相啦~~
$428食咁嘅野食，同有咁既swervice , 咁我拣花园餐厅算啦~~
题外话/补充资料：
**员工问题，呢度d员工，好似个个都无心机听你讲野咁，人手又唔够，都几唔专业。
e.g: 呢度只有两款蚝，我order 系fine de claire , 另一款因为无兴趣，所以唔记得.....佢只系不停问我想大只定细只.......:(:o，你到底想我点答你呢?可唔可以对自己餐厅嘅menu / 名同食材熟少少呀.....
(以上食记乃用户个人意见 , 并不代表OpenRice之观点。)
张贴