漁舍酸菜魚 (已結業)

我哋一班朋友都好沉迷食重口味同川辣食物，所以久不久就会约埋一齐周围去食好嘢👭🏻👭🏻今次去到北角，试吓呢间专食湘川菜嘅舖头，睇吓佢哋嘅嘢食可唔可以满足到我同埋朋友们先🙈｜椰香BB鸽｜好神奇！呢只乳鸽真系有椰香味，所以鸽肉份外香甜，鸽皮松化，食一只绝对唔够喉🙊｜川味辣子鸡｜选用鸡髀肉特别滑身，大量嘅辣椒、香葱、花生同芝麻炒埋一齐好香，夹鸡肉食一流🔥｜水煮牛肉｜一见到红当当嘅水煮汤就知正宗，汤底浓郁香麻，浸住肥牛食好够味🔥｜招牌酸菜鱼｜压轴嘅系呢度嘅招牌酸菜鱼，鱼肉分量超多，酸菜甜甜酸酸好爽脆，我哋连汤都唔放过，全清！见到呢度仲有麦芦卡蜜糖同红白酒卖，食完饭仲可以shopping 一翻添✌🏼