影片
更多
2018-03-10
392 浏览
前晚去希雲街食晚餐，回程時路經禮頓道，發現原來「Via Tokyo」隔離開左間叫「Wing It!」嘅炸雞翼專門店。熟識筆者的朋友，都知我是個雞翼控，總是食極唔厭，搞到連屋企嘅小伙子都特別愛吃雞翼，所以趁周五晚有空，下班後就拉埋小鬼過嚟試下。店子門面很搶眼，以鮮黃色為主調，店內地方不大，全部以高腳檯櫈為主。餐廳採半自助形式，客人要先去 counter 購票付款，服務員隨後會將食物逐一送上。餐牌除了有主打的雞翼外，另外亦有炸薯條、白車打芝士棒、洋蔥圈、美式熱狗等。雞翼全部即點即炸，共有兩款口味，包括 original 同 crispy，據店員稱，crispy 比原味多咗一層薄薄炸漿，所以食落會更加脆身。雞翼每份可選 4 隻或 8 隻，而且仲可以 mix & match 2 款口味。至於醬汁同調味粉方面，加加埋埋都有成十幾款，如甜香蒜味、藍芝士、自家製水牛雞翼醬、田園醬、黃芥末、BBQ 燒烤醬、蕃茄醬、千島醬、日式燒烤、蜜糖蛋黃、肉桂糖香、美式孜然、八味香辣等等，選擇非常之多，堂食可以任選醬汁，啱曬心多多，樣樣都想試下的朋友！揀左 8 隻雞翼 ($75)，加 $30 可以轉 Combo，包
前晚去希雲街食晚餐，回程時路經禮頓道，發現原來「Via Tokyo」隔離開左間叫「Wing It!」嘅炸雞翼專門店。熟識筆者的朋友，都知我是個雞翼控，總是食極唔厭，搞到連屋企嘅小伙子都特別愛吃雞翼，所以趁周五晚有空，下班後就拉埋小鬼過嚟試下。
店子門面很搶眼，以鮮黃色為主調，店內地方不大，全部以高腳檯櫈為主。餐廳採半自助形式，客人要先去 counter 購票付款，服務員隨後會將食物逐一送上。
餐牌除了有主打的雞翼外，另外亦有炸薯條、白車打芝士棒、洋蔥圈、美式熱狗等。雞翼全部即點即炸，共有兩款口味，包括 original 同 crispy，據店員稱，crispy 比原味多咗一層薄薄炸漿，所以食落會更加脆身。雞翼每份可選 4 隻或 8 隻，而且仲可以 mix & match 2 款口味。
至於醬汁同調味粉方面，加加埋埋都有成十幾款，如甜香蒜味、藍芝士、自家製水牛雞翼醬、田園醬、黃芥末、BBQ 燒烤醬、蕃茄醬、千島醬、日式燒烤、蜜糖蛋黃、肉桂糖香、美式孜然、八味香辣等等，選擇非常之多，堂食可以任選醬汁，啱曬心多多，樣樣都想試下的朋友！
揀左 8 隻雞翼 ($75)，加 $30 可以轉 Combo，包飲品同薯條。薯條新鮮即炸，大大份，堆到成座山咁高，細看，粗幼度中等，面層沾滿鹽粒，拿上手時仍熱辣辣，咬下充滿薯香。
雞翼大小適中，隻隻 Size 都好平均，面頭兩款醬汁係藍芝士同自家製水牛雞翼醬，藍芝士醬帶羊乳的羶香，鹹得來又夠順滑，能突出雞翼的香味；而自家製水牛雞翼醬，味道就酸酸辣辣，夾埋雞翼食，夠曬惹味。
另外呢兩款醬汁就係甜香蒜味同日式燒烤，而個人就較愛後者 Teriyaki，入口味道甜甜香香，加上夾雜的微辛薑味，令人食慾大增。
既然一場嚟到，無理由唔試埋呢款 Parmesan Truffle 巴馬臣芝士松露醬雞翼 ($50)，炸雞翼先撒上巴馬臣芝士粉，再加上黑松露油和黑松露醬，入口勁香黑松露味，滋味到極。
另外呢款係白車打芝士棒 ($20)，強烈建議呢個芝士條要襯熱食，當佢仲係熱辣辣嘅時候，因為一咬開會有「勁」拉絲嘅效果，唔止味道，連視覺上都會令人好有滿足感。
如果食得辣嘅話，大家亦可以試幾款不同程度的辣醬，據說最強勁的辣醬，有成 9 百萬辣度，不過 order 之前記得要睇清楚條款同埋要簽「生死狀」，咁刺激，唔知大家又有無膽量挑戰呢？
张贴
