影片
更多
2018-03-10
392 浏览
前晚去希云街食晚餐，回程时路经礼顿道，发现原来「Via Tokyo」隔离开左间叫「Wing It!」嘅炸鸡翼专门店。熟识笔者的朋友，都知我是个鸡翼控，总是食极唔厌，搞到连屋企嘅小伙子都特别爱吃鸡翼，所以趁周五晚有空，下班后就拉埋小鬼过嚟试下。店子门面很抢眼，以鲜黄色为主调，店内地方不大，全部以高脚台櫈为主。餐厅采半自助形式，客人要先去 counter 购票付款，服务员随后会将食物逐一送上。餐牌除了有主打的鸡翼外，另外亦有炸薯条、白车打芝士棒、洋葱圈、美式热狗等。鸡翼全部即点即炸，共有两款口味，包括 original 同 crispy，据店员称，crispy 比原味多咗一层薄薄炸浆，所以食落会更加脆身。鸡翼每份可选 4 只或 8 只，而且仲可以 mix & match 2 款口味。至于酱汁同调味粉方面，加加埋埋都有成十几款，如甜香蒜味、蓝芝士、自家制水牛鸡翼酱、田园酱、黄芥末、BBQ 烧烤酱、蕃茄酱、千岛酱、日式烧烤、蜜糖蛋黄、肉桂糖香、美式孜然、八味香辣等等，选择非常之多，堂食可以任选酱汁，啱晒心多多，样样都想试下的朋友！拣左 8 只鸡翼 ($75)，加 $30 可以转 Combo，包
前晚去希云街食晚餐，回程时路经礼顿道，发现原来「Via Tokyo」隔离开左间叫「Wing It!」嘅炸鸡翼专门店。熟识笔者的朋友，都知我是个鸡翼控，总是食极唔厌，搞到连屋企嘅小伙子都特别爱吃鸡翼，所以趁周五晚有空，下班后就拉埋小鬼过嚟试下。
店子门面很抢眼，以鲜黄色为主调，店内地方不大，全部以高脚台櫈为主。餐厅采半自助形式，客人要先去 counter 购票付款，服务员随后会将食物逐一送上。
餐牌除了有主打的鸡翼外，另外亦有炸薯条、白车打芝士棒、洋葱圈、美式热狗等。鸡翼全部即点即炸，共有两款口味，包括 original 同 crispy，据店员称，crispy 比原味多咗一层薄薄炸浆，所以食落会更加脆身。鸡翼每份可选 4 只或 8 只，而且仲可以 mix & match 2 款口味。
至于酱汁同调味粉方面，加加埋埋都有成十几款，如甜香蒜味、蓝芝士、自家制水牛鸡翼酱、田园酱、黄芥末、BBQ 烧烤酱、蕃茄酱、千岛酱、日式烧烤、蜜糖蛋黄、肉桂糖香、美式孜然、八味香辣等等，选择非常之多，堂食可以任选酱汁，啱晒心多多，样样都想试下的朋友！
拣左 8 只鸡翼 ($75)，加 $30 可以转 Combo，包饮品同薯条。薯条新鲜即炸，大大份，堆到成座山咁高，细看，粗幼度中等，面层沾满盐粒，拿上手时仍热辣辣，咬下充满薯香。
鸡翼大小适中，只只 Size 都好平均，面头两款酱汁系蓝芝士同自家制水牛鸡翼酱，蓝芝士酱带羊乳的膻香，咸得来又够顺滑，能突出鸡翼的香味；而自家制水牛鸡翼酱，味道就酸酸辣辣，夹埋鸡翼食，够晒惹味。
另外呢两款酱汁就系甜香蒜味同日式烧烤，而个人就较爱后者 Teriyaki，入口味道甜甜香香，加上夹杂的微辛姜味，令人食欲大增。
既然一场嚟到，无理由唔试埋呢款 Parmesan Truffle 巴马臣芝士松露酱鸡翼 ($50)，炸鸡翼先撒上巴马臣芝士粉，再加上黑松露油和黑松露酱，入口劲香黑松露味，滋味到极。
另外呢款系白车打芝士棒 ($20)，强烈建议呢个芝士条要衬热食，当佢仲系热辣辣嘅时候，因为一咬开会有「劲」拉丝嘅效果，唔止味道，连视觉上都会令人好有满足感。
如果食得辣嘅话，大家亦可以试几款不同程度的辣酱，据说最强劲的辣酱，有成 9 百万辣度，不过 order 之前记得要睇清楚条款同埋要签「生死状」，咁刺激，唔知大家又有无胆量挑战呢？
张贴
