御前牛盛日式涮涮鍋 (已結業)

上網見呢間D人話幾好，鍾意四圍八試新嘢嘅我，又走去試吓啦，星期五晚收十點就走上去，去到門口見冇咩人已經開始覺得有D伏，入去坐低侍應就行埋嚟講有宵夜時段，淨要火煱就$148,要埋刺身就$178,見差唔遠就要埋刺身啦，調味料係自助嘅，但只見一款豉油，側邊放住葱，辣椒，蒜，日本介辣等等，咁得一款豉油究竟係火煱用定刺身用呢？填嘢食就話聖子冇，海蝦冇，芝士魚旦冇……冇嘅嘢太多，不能盡錄，火煱料嚟到，D肥牛肥到一半以上係白色，田鷄完全冇味，跟住再嚟刺身，冇咩好鮮甜，仲有燒肉食嘅，但無論燒咩都只係食到一口油，完全冇咩，加埋一大約二百蚊，宵夜時段唔算特别平，只係特别唔好食