泰原味

营业中

休息中

最初开张嘅时候都帮衬过，点知今日再食，好失望。餐厅入面有位，明明见到有客埋单走，都唔见有职员叫入座，白白等多二十分钟，入到去就见到两三张卡枱都系吉嘅。。。猪手饭，9成系猪皮，得两块碎猪肉，摆到好似俾人食剩咁送嚟。菠萝冰(特饮跟餐+$9）系糖水冰，无菠萝味，菠萝肉系白色，唔系黄色，完全饮唔落。青咖喱猪扒饭，猪扒Dry到起丝，但𠮶咖喱汁系OK嘅。成餐饭，净系得牛肩肉汤粉，酸辣凤爪，椰汁冰(偏甜)系过得去。另外就系服务态度，下午茶时间见无派下午茶餐牌，问职员拎，隔离枱都系要下午茶餐牌，等左十几分钟都无拎嚟，隔离枱顶唔顺自己走去收银枱攞。跟住终于等到派下午茶餐牌，顺便同头先𠮶个职员落单，佢无啦啦同我哋讲其实下午茶餐牌同午餐牌系一样，我哋一头雾水。我哋又无话佢唔拎餐牌俾我哋，亦都无讲其他嘢，纯粹系叫佢帮我哋落单，完全唔明佢咁讲系咩意思，系解释紧自己点解唔拎下午茶餐俾我哋 定还是讲紧我哋头先无必要问佢拎下午茶餐牌？但我哋当时无啦啦听到佢咁讲，其实都有啲不爽。