大吉居酒屋 (已結業)

好耐冇食放题，因为我食量唔多而且觉得冇咩惊喜。今日难得约到一行7人食晚饭，即庆去左大吉食放题。食物选择都几多，质素也不错，大家都觉得可以再帮衬。我哋差不多所有刺身都有叫，个人好钟意食个泰式生虾，虽然冇另外嘅虾刺身咁大只，但系配埋个柚子盐真系几好食。个蟹粥够热，入面至少有半只蟹，可以暖下个胃，非常唔错。至于其他熟食都够热同够新鲜。有狮子狗芝士同埋鱿鱼圈天妇罗，个芋头天妇罗就一般，净系食到啲炸粉，其他都可以。羊架、猪脾仔同牛柳粒都算淋。迷你嘅一口手圈满足到想食手圈嘅朋友仔嘅欲望。甜品和饮品选择都算多，有好几款雪糕和雪条，跟住有奶冻、焦糖布丁、杨枝甘露、木糠布丁、豆腐花、乳酪等。大家都食到超级满足。😌