麻辣Doi (已結業)

同同事放工出咗去鸡地揾嘢食, 咁啱大家又想食麻辣嘢, 咁就入咗嚟食啦. 趁佢人少少又唔多人, 坐得几舒服, 而且都系一班后生仔打理, 比较新潮少少嘅餐厅. 但唔知系咪因为比较新嘅关系, 餐厅里面堂食嘅款式唔算多, 主打烤鱼, 水煮系列同埋麻辣热锅. 今次同朋友两个人就食咗个水煮鱼片, 加咗娃娃菜同埋栢叶. 一般分量够两个男人食, 但系我哋再嗌多咗个米线饱肚啲. 值得一赞嘅系竟然米线系烟韧又爽口, 反而本身嘅薯粉就比较淋淋地似米粉嘅感觉. 今次食咗中辣汤底, 辣到唔算好辣, 我谂系大约谭仔𠮶啲两小辣辣度. 除咗有鱼片之外亦都有少少嘅云耳同埋豆卜加咗喺里面, 汤底味道惹味, 鱼片又去晒骨(应该系鲩鱼片), 牛柏叶有够爽口, 不过娃娃菜就索晒啲油, 够晒邪恶. 总体嚟讲价钱同埋食物质素都属于中上, 系款式餐厅可以再考虑加一啲食物. 下次想试下佢嘅酸菜汤底, 见到隔离𠮶枱食好香好正.