家嫂 (已結業)

餐厅装修别致，充满中国古典风格特色，屏风，餐灯，就连餐碗餐碟都好靓！$312/位，依个火锅放题，有晒顺序俾你顺住食：刺身，虾多士，鸡煲，打边炉，而且有多种野饮任饮，除左平时饮开既大众化罐装饮品，仲有餐厅自家煲既凉茶/特饮，最欣赏系一杯杯用胶膜封好晒，非常衞生。除左刺身，所有野食都可以任叫任食的。未开始之前，服务员会捧好多前菜俾你，辣菜铺花生，沙律，胡椒猪肚，蜜糖鸡翼，蔬菜天妇罗....真系未入正题已经饱左3成，大家要留意番😂咁多野食，小妹拣几个重点😏🐔鸡煲闻落香，不过食落唔系好够味，唔够惹味打边炉用既煲好有宫廷色彩，外形同色彩都好独特🍤松露虾多士：新鲜即炸，热辣辣，千祈唔好一啖摆入口。虾多士唔会好多油，加埋些少松露酱点缀，几好食！🛶海鲜船：成餐既点精位，有蟹、青口、带子、蚝、蚬、黄花鱼、墨鱼滑....摆盘只船有d夸张，特别系大台只船要2个人一齐搬😲钟意食海鲜既朋友岩晒，蟹🦀同蚬系至爱，好鲜甜，黄花鱼仲要系一条上，又滑又甜。番点海鲜既时候，服务生仲话有鲍鱼，问我地试唔试添😊依个价钱，可以一试！