貳號冰室 (已結業)

一出柴湾地铁站3分钟内就到，十分方便去揾。佢嘅常餐最特别系炒蛋加秋葵，炒蛋唔会太熟或者太生，加入脆口嘅秋葵，一软一脆几配搭几好。可能喺平时茶餐厅都少见秋葵炒蛋，所以一上枱就即系食完唔记得影低。同时亦配有多士，暖暖地，但都算外脆内软，加d牛油，口感更好。本身常餐有两款，有肉燥面同猪排面拣，但见隔离枱块猪排几大所以试下猪排。嚟到嘅时候，块猪排差唔多四分三只碗咁大，仲要系岩岩煎好，食落去仲好辣口，至于同枱早少少嚟嘅朋友块猪排就无咁香口，可能系一早煎定，咁真系睇彩数。虽然香口，但块猪排唔算太厚，肉质普通，食落去唔太juicy，不过40几嘅茶餐算系咁，不过不失。