一幻拉麵 (已結業)

咁啱系湾仔开完会， 经过想试好耐嘅一幻，就叫埋系附近返工嘅男友一齐食啦。 平日中午12点半左右到达，唔驶等位直接入得。我呢啲重口味鬼本身想拣浓厚豚骨汤底，但男友话之前试过拣浓厚会搞到个汤完全无虾味。咁唯有拣返适量盐味粗面啦。落order之后等咗大约15分钟就有得食啦，上台卖相唔错，热辣辣嘅蒸气浮起 碗上，啱晒而家入秋嘅天气。一幻主打虾汤，我觉得算系系日式拉面来讲几特别嘅汤底，而且汤味浓郁。老实讲，我本人对虾味并唔系特别钟情，但系都食到lamlam脷。至于拉面质地就正正常常啦，不过经过反覆试验，我发现自己都系钟情于幼面多啲，下次再有机会，可能会试下佢个幼面先。不过呢个汤底的确唔系属于清淡系列，所以就唔系人人都钟意食啦。总括黎讲，系唔驶排队嘅情况下，一幻拉面都系值得一试嘅。