神戶北之板

营业中

休息中

依排天气好热，放lunch嘅时候完全唔想离开有冷气嘅地方，于是决定去Apita度买外卖番office食，一边食饭一边煲韩综。起Apita行咗一个圈之后发现依间多人嗌得嚟分量都好多，于是决定试依间。佢依边落完单之后要去对面俾钱，之后再等叫号码。我啱啱俾完钱，个饭已经准备好，速度非常之快，啱晒附近嘅打工仔。咖哩吉列猪扒饭($48)佢依度+$4有杯饮品，+$6有齐饮品、沙律同汤，我原本谂住只系加饮品，但系可能我讲唔清楚，所以变咗加齐咁多样野。猪扒炸得非常之脆，又大块又厚身，猪扒本身略厌干咗少少，不过点埋咖哩汁食就唔会有干嘅感觉。咖哩虽然系日式，但系就唔系偏甜，而系偏辣，咖哩汁份量多，够捞饭食。咖哩入面冇薯仔，只系得红萝卜，虽然煮得好入味好淋，但系得几旧，如果可以有多d就好la。沙律细细碗，几新鲜，沙律醋有少少麻油香，又香又开胃。餐汤系粟米汤，粟米粒唔多，忌廉味亦都唔重，普通餐汤一碗，不过都好饮嘅。冻柠檬茶比较细杯，依度冻饮系冇冰嘅，所以去到唔驶特登叫走冰。起太古城嚟讲，依个价钱同依个质素绝对值得一试，CP值算高，起附近番工嘅打工仔可以嚟试下。