海南雞公主 (已結業)

海南鸡饭喺香港无论喺茶餐厅、专门站定东南亚菜餐厅就有机会成为选择。今次食嘅海南鸡公主主打外卖，堂食位真系唔多，数尽得6个。咁好彩我哋嚟食又有位，嚟到专卖店梗系叫招牌啦！先讲成份餐，有一粒炸鸡粒做小食，一杯泰式沙律开胃，仲有主菜海南鸡饭。小食鸡粒太似炸鲮鱼球，无乜惊喜。用鱼露配柚子沙律🥗味道比较咸系几开胃。到主菜嘅海南鸡份量十足，如烧腊舖嘅例牌一样多，去骨而且油份充足，而鸡肉亦非常嫩滑，配埋姜䓤同酸辣酱都好好食，可惜酱料3选2，试唔到泰式面豉酱，听闻都好好食嘅。食完真系可以捧住个肚走。