吱吱朕 (已結業)

呢间餐厅喺OpenRice上面已bookmark左好一段时间，毕竟佢个餐厅名几得意，餐牌系一道圣旨，趣味十足。叫咗个表哥薯条做小食，薯条新鲜热辣上枱，脆卜卜，酱汁都好多够惹味，份量大，其实食到一半都已经觉得饱。主食叫咗个牛魔王，其实只系普通嘅牛肉饭，同平时一般餐厅食嘅日式牛肉饭差别唔太大，可以唔使试都得。串烧方面就系厚切牛脷同鸡软骨，牛脷厚身食落有口感，唔会韧；鸡软骨脆口，但冇乜特别。相比起食物，佢嘅Cocktail比较吸引，味道都更引人入胜。餐厅唔算大，座位都比较挤拥，枱都比较细，我同朋友两个人嗌左六样嘢食，但食得都比较赶，因为都怕下一道菜上枱时冇地方摆。