明記甜品 (吳松街) (已結業)

我比较小食中式糖水，但喺佐敦试左好多间新式甜品后好失望。所以今次试下中式糖水。糖不甩好好咬口，唔会好硬。抵赞～木瓜雪耳好清甜，雪耳有林有爽，虽然我本身比较喜欢林嘅雪耳。不过都唔错～ 芝麻糊加芝麻汤圆都算滑身，唔会好似冲包芝麻糊咁太过甜～ 蛋花马蹄爽，马蹄真系好清爽，不过我就觉得有点偏甜左小小咁多多。 虽然舖仔细，坐出面好有怀旧街档嘅感觉。但喺庙街附近都算唔错。等嘅时间基本上系唔驶等咁济，见住佢客如轮转，可想而知啲姐姐嘅服务态度当然系一般啦。但食物质素喺佐敦黎讲算好。比起啲所谓新式甜品好出太多了！下次再黎食过^^