一哥私房菜 (已結業)

听讲一哥私房菜晚晚都爆场，订咗几次位终于上星期六晚有机会去试下，虽然装修一般，但有独立房间同洗手间，真系私隐度十足，坐低就有三文鱼同生虾刺身食，之后叫咗半只劲辣鸡煲，未食已经闻到香味，食落口估唔到劲好味，d鸡好新鲜又够滑，食完鸡煲换咗个蟹锅，见到成盘海鲜有好多种类，食落口真系好新鲜，仲有碟牛肉，真系好正，虽然牛肉唔系任食，但后加都系$38一碟，真系自己出去买都唔得啦！原来海鲜类有几款（生蚝、虾、鱼、鱿鱼）都系任食，仲有好多丸同饺，蔬菜同菇类，出前一丁同乌冬都系任食，而饮品方面有汽水同自家制五花茶，不得不提原来鸡煲系可以任食，因为有个朋友迟到，细心的待应知道朋友未食鸡煲，就立即问我地要唔要叫多个鸡煲，大家都食到饱饱，原来仲有桂花榚食，真系无得顶呀！消费大约$300一个人，真系抵到烂，不过下次要早d打电话去订定位先。