Greyhound Café (國際金融中心) (已結業)

相隔一年，今日再嚟呢間餐廳吃午餐。今次唔使等，一到就安排我哋坐窗口位。點咗杯Pink Journey mocktail - 士多啤梨加蕷果，幾好飲。粟米蟹肉餅 - 香脆熱辣辣，不過唔係好食到有蟹肉，小朋友喜歡吃。海鮮墨汁麵 - 賣相唔錯，充滿泰國香葉味，辣辣哋配海鮮很夾，意粉軟硬適中。豬頸肉糯米飯 - 豬頸肉份量ok，唔點汁食會較乾。糯米飯先放袋中再放進小竹籃，令糯米飯冇咁快變硬，安排很好，但如果可以放少許椰漿，味道會更佳。