2020-01-31
1554 浏览
话说近嚟好兴古早味蛋糕,开到周围都系,香港嘅热潮就系咁。我最印象深刻嘅古早味蛋糕就系喺台北淡水,两次经过都排哂队,仲要系本地人,但太多人所以我一直都未试过🙁。之前我已经喺香港其他舖头食过,我自己就几钟意,因为味道简单,就系有浓郁嘅蛋味🥚,唔太甜,口感松软。年初三喺西环行大运,竟然见到有间舖头灯光花著,个名叫做「麦蛋糕」,我哋即刻行埋去睇下。其实之前都好似知道有新舖开,但多数都掂行掂过无细心留意。正正因为新年佢都有开,所以我哋就帮衬左喇😜。铺头好光猛,从透明大玻璃可以望到几嚿大蛋糕🎂。呢到都系卖古早味蛋糕,个牌就写住有六款口味,分别系古早原味、古早黑糖、流心芝士、🍵抹茶红豆、🍫巧克力同埋芝士蛋糕。但我目测得原味同黑糖味,另外就有张纸仔写住流心芝士蛋糕嘅新鲜出炉时间系五点三。呢到有得试食,现有𠮶两款我都试哂。原味普普通通、无乜特别;黑糖味个面就有啲芝麻,但食落黑糖味好淡,比起原味更一般😟。因此我哋决定行个圈等多等,等到五点三试下芝士味。五点四去到流心芝士蛋糕已经出咗场,我哋即刻买返嚿,女店员拎起长长嘅面包刀好精准咁一分为二😂。题外话,隔离本身𠮶两嚿大蛋糕好似无乜郁过...🙊。小店最好嘅一样
之前我已经喺香港其他舖头食过,我自己就几钟意,因为味道简单,就系有浓郁嘅蛋味🥚,唔太甜,口感松软。
年初三喺西环行大运,竟然见到有间舖头灯光花著,个名叫做「麦蛋糕」,我哋即刻行埋去睇下。其实之前都好似知道有新舖开,但多数都掂行掂过无细心留意。正正因为新年佢都有开,所以我哋就帮衬左喇😜。
铺头好光猛,从透明大玻璃可以望到几嚿大蛋糕🎂。呢到都系卖古早味蛋糕,个牌就写住有六款口味,分别系古早原味、古早黑糖、流心芝士、🍵抹茶红豆、🍫巧克力同埋芝士蛋糕。但我目测得原味同黑糖味,另外就有张纸仔写住流心芝士蛋糕嘅新鲜出炉时间系五点三。
127 浏览
0 赞好
0 留言
96 浏览
0 赞好
0 留言
呢到有得试食,现有𠮶两款我都试哂。原味普普通通、无乜特别;黑糖味个面就有啲芝麻,但食落黑糖味好淡,比起原味更一般😟。因此我哋决定行个圈等多等,等到五点三试下芝士味。
五点四去到流心芝士蛋糕已经出咗场,我哋即刻买返嚿,女店员拎起长长嘅面包刀好精准咁一分为二😂。题外话,隔离本身𠮶两嚿大蛋糕好似无乜郁过...🙊。小店最好嘅一样嘢就系有得买半盒,啱哂想试下嘅人,又可以一次过食两款口味。但我见到有人买半盒就得张纸包住嚿蛋糕,放入胶袋,无盒。
我哋要咗一盒流心芝士蛋糕($70),半盒就$38。新鲜蒸出嚟嘅时候,蛋糕都已经唔觉特别香😅,但食落都ok。鸡蛋味浓郁,芝士热辣辣流心的,味道咸咸哋,夹埋一齐食个组合都几得意。蛋糕口感亦都松软,但整得较为湿咗啲,干身点会更好。
$70
72 浏览
0 赞好
0 留言
一次过食唔哂,我放咗佢入雪柜,冻食味道又有少少唔同,口感无咁湿,芝士唔流心无咁抢味。冻食热食各有千秋!
蛋糕盒有列出建议食法同点整热去,其中一个就系放入微波炉叮五十秒。我就跟住做拎去叮一叮佢,食嘅时候要小心热,因为🧀芝士再次变返流心,咁样热食又系另一风味。
总括嚟讲,麦蛋糕嘅古早味蛋糕其实唔算太出色,质素平平,流心芝士味就好少少,可以一试。其实蛋糕嘅质素同佢受唔受欢迎都系相互影响,因为多人买,小店先要keep住不停整,先会好食。希望多啲人帮衬小店,蛋糕就会好啲,不过要点样先做到第一步呢🤔?
张贴