度小月 (海運大廈) (已結業)

很久无得去旅行、很怀念台湾美食、特登去海港城度小月怀念一下😊到店时系11点钟仍然未开门、唯有行下街先。大约12点回到度小月、已经坐满一半客人、店舖面积不大有少少古旧的台湾味道、好肚饿急不及待order食物。👆安平鲜蚵汤、个名字真系有啲奇怪、其实入面系一啲豆腐切咗粒粒加埋𠮶啲小蚝仔造成嘅汤、都几清甜又充满海鲜味都几好饮👍👍👍烤绍兴香肠、个人口味都不大喜欢、但今次切成细细片夹埋啲生蒜片一齐食、又几特别㖞同好食。祖传肉燥饭系我嘅至爱、可惜份量少咗啲、咸度适中、好味😋台湾卤猪手同港式猪手都有啲分别、食落去一啲都唔油腻、烟烟靭靭、好有咬口、同花生系绝配。蚵仔酥系用细只蚝酥炸而成并配上椒盐、味道正正常常不过就比较热气。黄金虾卷咬落去入面系用虾同碎猪肉、用脆浆包住来炸、由于脆浆比较厚冇左松脆嘅感觉、质感麻麻、可以不试。