影片
更多
2010-07-30
32 浏览
我系一个好钟意食小笼包嘅人，睇到有新小笼包店，当然要赶快试吓啦。当然，钟意食小笼包嘅人都可能会以鼎泰丰为比较，首先，要讲吓服务，尚算不错，非常有礼貌，值得赞赏。但系本店座位非常迷你，绝对坐得唔舒服。要改善。（我明白租贵，但唔可以咁过份架）。讲效率，非常快 （如果想慢慢食，可能会嫌太快），食得慢嘅朋友就唔好一次过叫勒。因为伙计话汤要衬热饮，三杯鸡会黐底，面冻咗会黐埋一旧！！！食物：1.台式酸辣汤： 唔理系咪台式定其他，又唔酸，又唔辣，系好令人失望嘅，好彩汤底够味，自己落啲醋落啲辣椒酱都唔算难饮2.小笼包: 皮薄，唔易穿，肉汁够味，但唔够清甜。皮有少少唔够滑，水准算唔错，系一般小笼包店之上，可以话同翡翠小笼包差不多。可以一提系，无令我有冲动叫多一笼。如果净系为咗食小笼包，不如去鼎泰丰3.台式担担捞面：面质几弹牙，味道不错，好香花生味，有少少辣味4.三杯鸡：份量好少，但几惹味，姜同蒜头爆得几香，味几好，唯一系鸡件太细太碎，有少少难入口5.豆浆：味道普通，唔太甜。但咁细杯收＄14蚊就唔抵饮勒6.锅贴: 由于以上嘅野份量细，唔够两个人食，所以加咗个锅贴，反而有惊喜。味道很好，有肉味，但系无油腻
当然，钟意食小笼包嘅人都可能会以鼎泰丰为比较，首先，要讲吓服务，尚算不错，非常有礼貌，值得赞赏。但系本店座位非常迷你，绝对坐得唔舒服。要改善。（我明白租贵，但唔可以咁过份架）。
讲效率，非常快 （如果想慢慢食，可能会嫌太快），食得慢嘅朋友就唔好一次过叫勒。因为伙计话汤要衬热饮，三杯鸡会黐底，面冻咗会黐埋一旧！！！
食物：
1.台式酸辣汤： 唔理系咪台式定其他，又唔酸，又唔辣，系好令人失望嘅，好彩汤底够味，自己落啲醋落啲辣椒酱都唔算难饮
2.小笼包: 皮薄，唔易穿，肉汁够味，但唔够清甜。皮有少少唔够滑，水准算唔错，系一般小笼包店之上，可以话同翡翠小笼包差不多。可以一提系，无令我有冲动叫多一笼。如果净系为咗食小笼包，不如去鼎泰丰
3.台式担担捞面：面质几弹牙，味道不错，好香花生味，有少少辣味
4.三杯鸡：份量好少，但几惹味，姜同蒜头爆得几香，味几好，唯一系鸡件太细太碎，有少少难入口
5.豆浆：味道普通，唔太甜。但咁细杯收＄14蚊就唔抵饮勒
6.锅贴: 由于以上嘅野份量细，唔够两个人食，所以加咗个锅贴，反而有惊喜。味道很好，有肉味，但系无油腻嘅感觉，值得一赞
埋单＄240，两个人，以食物稍细碟来说，有少少贵，但系可以接受嘅水平。
张贴
