影片
更多
2021-02-15
295 浏览
啱啱过咗农历新年，Dana喺度祝大家牛年身体健康心想事成，食极都唔肥！琴日年初三终于有假放，所以就去咗屋企附近食返个brunch放松一下！黄竹坑其实新开左唔少嘅餐厅同埋Cafe ，好多都有兴趣好想试吓，今日就试咗呢间Bread and Bistro！呢间舖头都几得意，佢除咗有All day breakfast 同埋Pancake 外，其他既主食主要都系走日本Fusion风格，有好几款菜式其实我都好想食，不过今次叫咗冲绳特色三文鱼牛油果Taco rice,Classic Pancake配汉堡扒，同埋水果茶试吓先！成餐饭最有惊喜嘅一定系佢既三文鱼牛油果Taco rice,首先佢用糙米代替左白饭，可以降低返佢嘅碳水化合物，感觉上都健康啲！另外成个饭入口都好清爽，爽脆嘅蔬菜配合少少柠檬汁加上沙律酱真系劲开胃，三文鱼嘅味道好浓郁，不过如果牛油果份量多少少嘅话应该会更加正，我个人都几推荐！佢嘅All day breakfast 材料都好丰富，沙律嘅酱料唔算太油腻，沙律菜都好新鲜，炒蛋嘅牛油味好浓郁不过略嫌冇乜蛋味，我个人反而推介佢嘅汉堡扒，入口外皮超级脆 ，而且肉嘅味道都好浓郁，有少少似家常菜煎肉
琴日年初三终于有假放，所以就去咗屋企附近食返个brunch放松一下！
黄竹坑其实新开左唔少嘅餐厅同埋Cafe ，好多都有兴趣好想试吓，今日就试咗呢间Bread and Bistro！
呢间舖头都几得意，佢除咗有All day breakfast 同埋Pancake 外，其他既主食主要都系走日本Fusion风格，有好几款菜式其实我都好想食，不过今次叫咗冲绳特色三文鱼牛油果Taco rice,Classic Pancake配汉堡扒，同埋水果茶试吓先！
成餐饭最有惊喜嘅一定系佢既三文鱼牛油果Taco rice,首先佢用糙米代替左白饭，可以降低返佢嘅碳水化合物，感觉上都健康啲！另外成个饭入口都好清爽，爽脆嘅蔬菜配合少少柠檬汁加上沙律酱真系劲开胃，三文鱼嘅味道好浓郁，不过如果牛油果份量多少少嘅话应该会更加正，我个人都几推荐！
佢嘅All day breakfast 材料都好丰富，沙律嘅酱料唔算太油腻，沙律菜都好新鲜，炒蛋嘅牛油味好浓郁不过略嫌冇乜蛋味，我个人反而推介佢嘅汉堡扒，入口外皮超级脆 ，而且肉嘅味道都好浓郁，有少少似家常菜煎肉饼嘅感觉，反而佢嘅pancake味道有啲奇怪，而且带有点㶶味，呢度就有少少失望。
水果茶既金橘香味都几出众，反而茶底就比较普通，不过不失啦。
总括黎讲其实呢间餐厅我都觉得可以再去试吓，我自己对佢其他嘅主菜都好有兴趣，如果下次再去我就再话比大家听我嘅食后感啦！
🇭🇰Bread and Bistro
香港黄竹坑香叶道2号One Island south地下G06号舖🇭🇰
张贴