Lady M

营业中

休息中

朋友系「Lady M」嘅粉丝，所以当「Lady M」推出新口味「桂花千层蛋糕」嘅时候，就话一定要试！😂😂疫情下都仲有好多人排队等入座或买外卖，我地等左30-45分钟先入座。店员会入座前帮你量度体温，但就冇好主动咁提供搓手液或口罩袋，小妹只系离开嘅时候先发现原来有提供嘅，但摆系出口位冇人知。😅件装嘅桂花千层蛋糕，要$75/件，都几贵！蛋糕尤如标榜一样，铺上超过20层嘅手工班戟（小妹认真数过系真系有嘅！😂），每一层厚薄均一，并均匀地涂上桂花忌廉，每一口都有怡人嘅清香～面层更铺上加入左桂花干作点缀嘅桂花啫喱，味道清新香甜，不过小妹始终都觉得以一件蛋糕黎讲，价钱太贵，性价比唔高。