喜家狗仔粉

营业中

休息中

有无人同我一样好爱食菜脯、虾米、冬菇呢一类嘢？最爱呢类东东放落汤面，好惹味㗎。话说以前宝琳街市，有一间食狗仔粉嘅，每逢冬天就一定会食，可惜街市重整(即迫迁啦)食店就执咗喇。因为好挂住呢种味道，所以依家每逢出街见到狗仔粉就会有冲动去食。喜家就系其中一间啦！佢有其他嘢食嘅，但今次专程食狗仔粉。除常见嘅冬菇虾米食材之外，仲有蚬仔粒 & 瑶柱碎，所以汤头都几甜。面条偏淋身，令到啲汤有少少杰 & 浆口。菜脯有原味、小辣、多辣选择，建议要小辣好啦，因为佢都真系几辣，太辣就会盖过狗仔粉嘅味道。‼️♿️ 食店主要做街坊生意，同埋只有外卖。各位轮椅朋友可以买返屋企食㖞！