影片
更多
2013-09-15
56 浏览
相约住在大角咀既挚友晚饭，上嚟揾食店时发现蛮多正评既 Bene Pizza + Pasta，由于我好爱咸香既 Parma Ham，而就甜品方面既评语也不错，于是就提议到此开餐，好友也相信我的意见，于是马上致电订位，我已于一星期前订枱，但7点左右既 booking 已 full，得番6点同8点半后既枱，我呢啲番工迟到局晏收既人就梗系拣后者啦！一心谂住朋友放早可先来攞位，早到早入既歌仔原来唔啱唱，因为呢度地方好细，真系要坚等上一轮食客埋单离开后先可入座。如是者我地就算8点半报到，都要等多5至10分钟呢！店装修确系唔错，之前人家既食评都有提过，我唔多讲，放左两张相喺度for 参考啦！餐牌好简约，有前菜数款﹑汤三款左右﹑意粉﹑薄饼﹑主菜(扒类才算㖞？)﹑甜品6﹑7款左右同几多饮品供选择，研究完一轮，我地终于可以落单。饮品：荔枝生姜香茅七喜特饮卖相唔错既饮品，朋友小孩说姜味好重，我自己本身几爱姜茶的，如果唔系要留肚吃甜品，我都会点一杯。汤：意大利杂菜汤这个老公点的，一般杂菜汤都系红色，好似罗宋汤咁，但这个竟然系我好爱既绿色，(我只爱其颜色，我唔饮架！)似绿豆汤多啲㖞，跟三条饼干条同吃，几特别。入
店装修确系唔错，之前人家既食评都有提过，我唔多讲，放左两张相喺度for 参考啦！餐牌好简约，有前菜数款﹑汤三款左右﹑意粉﹑薄饼﹑主菜(扒类才算㖞？)﹑甜品6﹑7款左右同几多饮品供选择，研究完一轮，我地终于可以落单。
饮品：荔枝生姜香茅七喜特饮
卖相唔错既饮品，朋友小孩说姜味好重，我自己本身几爱姜茶的，如果唔系要留肚吃甜品，我都会点一杯。
汤：意大利杂菜汤
这个老公点的，一般杂菜汤都系红色，好似罗宋汤咁，但这个竟然系我好爱既绿色，(我只爱其颜色，我唔饮架！)似绿豆汤多啲㖞，跟三条饼干条同吃，几特别。入面都好足料，但冇研究蕃茄粒以外还有什么，味道反而好淡，老公加了黑胡椒都不能提味，唔得！
前菜：
炸薯条配黑松露蛋黄酱- 枱枱必点咁滞，薯条用料好像系好野，炸得好好，热辣辣好香口，加埋个蛋黄酱无得顶，可能唔系自队，平时系酱怪既我竟然食哂薯条都仲有酱剩。前几篇食评既食家都话唔够酱，睇嚟我并唔算系超级酱怪呢！
精选冷盘- 包括有 Parma Ham ﹑ Salami﹑哈蜜瓜﹑意式蕃茄香蒜包﹑腌菜同橄榄，其实仲有一件菇菇包，同埋亮点唔知乜野芝士，佢之所以系亮点并唔系因为好味，而系其卖相好像雪糕，上面既黑醋汁犹如朱古力酱，几得意，整体食味嘛... 如果可以将𠮶两件包换埋冻肉就更好了！
意粉：
猪肉肠蘑菇蝴蝶粉- 小朋友点的，佢地话好味！咁就够啦！
榄油蚬肉扁意粉- 唔知几多年前我爱上橄榄油炒意粉，所以成日都会点这个，不过呢间做得麻麻地，有点过咸，唔够香，蚬亦有砂，没想像中好呀！
薄饼：芝麻菜火腿芝士薄饼
这是全晚最好吃，也是枱枱必点既薄饼，火腿好好味，同个芝麻菜OK夹，可惜芝士唔够多，近批边一大部份都欠芝士又冇酱，干哽，连小朋友都食得出...都嫌弃，我谂可以再做好啲的！
甜品：我本来有点期待，一来饱，二来冇乜得拣，但点都想完美一番，所以还是点了。
香蕉朱古力脆脆- 小女孩点的，卖相其实唔错，不过太多忌廉，连小女孩也嫌弃，老实讲，印象要成48蚊杯，俾雪糕都OK啦！
芒果三层批- 我钟意食芒果，但这个卖相唔错既三层批完全唔得，雪糕食得出是雀巢或阿波罗货色，芒果粒酸，最差系块酥皮，有油膉味呀！
整体嚟讲呢，以佢既质素，我认为应收平啲，最好味既都系炸薯条同个火腿薄饼，这里系可以一试既意菜，但唔好抱太大期望，否则你会失望而回。又... 你唔钟意等既话，可以去其他餐厅... 佢并唔系值得让你久等开饭既地方，大角咀㖞，你边怕冇地方开饭呀！
张贴
