篤篤船麵 (V Walk)

营业中

休息中

同屋企人行过见到装修到七彩得黎几有泰国风味，入去食左餐晚饭。什锦船河最正系汤底好浓，河粉幼滑，其他𩠌料每样一两件，至在咩都有啲。听讲呢度猪手系招牌野，食左个猪手捞金边粉，外型好吸引。猪手果然系好食，猪皮烟韧好惹味嘅酱汁，点少少酸甜酱都好食。呢度小食拼盘算最抵食，每样有3-4件，当中鱼饼、虾枣同虾球都几好食，钟意佢香草味够，虾球够弹牙。呢度仲有其他小食、甜品同饮品，例如班兰千层糕、青木瓜沙律、泰式幼茶之类，可以话最特别系班兰糕，因为口感少少粉，食入口除咗班兰味仲有少少好似香蕉糕嘅味。