台灣美食 (已結業)

一直想试下(台湾美食)既小妹今日行完街就决定同细妹去试下!!由于仲系下午茶既时间(入席个阵5点15分左右)所以正常的套餐一律减5蚊 咁我地就叫左一个肉燥鸡球面&鱿鱼肉燥饭!讲番讲鱿鱼肉燥饭先!  肉燥个人觉得偏甜,有D腻尚可接受!!鱿鱼出面个D炸粉适中食落去脆得黎唔会太腻,而且配搭埋间铺既特制酱汁更加美味不过D饭粒讲真就真系有少少令人失望,质感有D似冷饭鸡球脆得黎仲有肉汁系裹面,食落去唔会太Dry 亦都好够味我就简左面底(台湾面),本身我以为面个质感会好有口感,睇meun个阵个台湾面就好似河粉咁,但我心谂台湾面应该同河粉质感有所唔同既..点知食落去真系同河粉差唔多口感&味道 普通一杯珍珠奶茶,无太大惊喜