麵屋丸京

营业中

休息中

今次想介绍嘅系一间拉面店，荃湾同深水埗嘅分店好似都算几出名，而我今次试嘅就系屯门店。舗头唔算太细，坐得唔算太逼，唯独系如果要同人搭枱就会窄少少。丸京拉面 $100佢将D叉烧全部放晒喺面，有真叉烧、叉烧各三块、蛋、笋，一开始我都唔知咩系真叉烧，后尾店员解释系慢煮嘅叉烧。最后食落真系好食过普通叉烧好多，佢系都几粉嫩，加咗少少黑椒，系肉味可以再浓少少。普通叉烧就略嫌太瘦太柴。溏心蛋好食，我拣咗清汤，一开始几钟意，但连埋个面食就发现，咦，点解咁似食紧云吞面，因为佢碱水味好重，所以都几失望，个浓汤好食d，系猪骨汤，唔会太浓或太咸。七味炸鸡 $35炸鸡每一件都好大嚿，不过佢落太多七味粉，所以有D辣，鸡肉都算juicy，但炸衣几厚。总括嚟讲，我觉得都值得食嘅，因为个叉烧都几出色，同埋份量都多，但如果要排好耐就不了。同埋听讲第二间舗有限定嘅虾汤，我都会想试下。