影片
更多
2014-08-31
10065 浏览
最近突然心血来潮想试下唔同餐厅的放题, 第一炮就来到位于尖沙咀宝勒巷的石涧。我同朋友预先book咗2100-2330的时段, 准时到达, 唔使等位就可以入座~估唔到星期六食2100时段的人竟然唔多, 身旁的人都系食上一个时段, 所以食食下就越来越少人, 唔会太嘈。当然本身台同台之间都算迫的, 系咁好彩我地的一台食到一半旁边已经冇其他食客。食物选择唔算少, 系冇焗蚝, 但有焗青口, 可惜我叫焗青口系漏单的, 无缘一试...食得放题我通常都系会选择一啲比较稳阵的刺身, 例如三文鱼, 剑鱼腩, 螺片, 甜虾之类...(希灵鱼呢啲中伏之选就冇叫)刺身冇用冰底上, 但入口完全OK的, 三文鱼有鲜味, 甜虾比想像中大只, 系普通虾的size, 有一刻觉得"咁得意"嘅, 可能系我太耐冇食放题吧...甜虾就唔好食虾头了, 会腥, 但虾肉够鲜甜, 好食!! 剑鱼腩同螺片都好稳阵, 之后再叫多转, 试埋吞拿鱼, 同一般的差唔多, 会有少少腥。天妇罗一上时都仲系热的, 粉浆略厚, 但食得放题我都冇特别要求, 起码啲虾系爽口, 南瓜同蕃薯都可以, 系干左啲。其他例如左上的紫薯饼都好好食, 炒菜有啲过咸, 但炒
我同朋友预先book咗2100-2330的时段, 准时到达, 唔使等位就可以入座~
估唔到星期六食2100时段的人竟然唔多, 身旁的人都系食上一个时段, 所以食食下就越来越少人, 唔会太嘈。当然本身台同台之间都算迫的, 系咁好彩我地的一台食到一半旁边已经冇其他食客。
食物选择唔算少, 系冇焗蚝, 但有焗青口, 可惜我叫焗青口系漏单的, 无缘一试...
食得放题我通常都系会选择一啲比较稳阵的刺身, 例如三文鱼, 剑鱼腩, 螺片, 甜虾之类...(希灵鱼呢啲中伏之选就冇叫)刺身冇用冰底上, 但入口完全OK的, 三文鱼有鲜味, 甜虾比想像中大只, 系普通虾的size, 有一刻觉得"咁得意"嘅, 可能系我太耐冇食放题吧...甜虾就唔好食虾头了, 会腥, 但虾肉够鲜甜, 好食!! 剑鱼腩同螺片都好稳阵, 之后再叫多转, 试埋吞拿鱼, 同一般的差唔多, 会有少少腥。
天妇罗一上时都仲系热的, 粉浆略厚, 但食得放题我都冇特别要求, 起码啲虾系爽口, 南瓜同蕃薯都可以, 系干左啲。其他例如左上的紫薯饼都好好食, 炒菜有啲过咸, 但炒杂菇好香牛油味。而牛舌竟然唔难食同唔韧, 放题而言算难得(虽然卖相颇差), 而牛肉串都好食, 系有一旧好多筋。
值得一提系芝士年糕, 连埋炼奶上, 入口真系好好食!! 虽然我相信呢啲食品间间放题都系咁上下来货...但有炼奶加上热辣辣的感觉好正!
蟹子沙律一个细碗装, 入面啲蟹子同蟹柳多到...抵食, 可惜青瓜丝雪的太冻, 影响了口感。另外冇影的一样推介系枝豆, 呢度啲枝豆同出面日本餐厅的单品枝豆有得一拚, 我同朋友叫左三碟!! 整枝豆好容易, 但真系有放题会整得好难食的...=.= 呢度整得好好!!
再要一提系呢度系有雪糕供应的, 系雀巢小杯装, 不过侍应唔会主动提及, 我地都系见到附近有人食先问侍应, 然后佢就话我地知可以去雪柜拎。
服务方面, 可能因为我地个时段已经唔多人, 侍应好快手, 会主动帮你换碟同跟单, 漏单系得焗青口(我自己都唔记得有叫, 走左先醒起), 感觉唔错。不过虽然放题至2330, 但经理2245已经同你讲last order的。
总括而言感觉唔错, $240唔算平, 不过可以一试~
题外话/补充资料：
记住自己去拎雪糕食啊~~
(以上食记乃用户个人意见 , 并不代表OpenRice之观点。)
张贴
