Mee (已結業)

五月廿四，七点半来到。店子细细，但唔驶等位。之前经过都想揾日试试，店面布置装饰好吸精，一望就知系食星马菜。叫左海鲜虾面同椰浆饭。野饮就叫左桔仔冰同桔仔梳打。强烈推荐要叫桔仔梳打，唔好叫桔仔冰。桔仔冰饮落只系似饮柠水咁，梳打系好味好多。咖央薄饼，甜甜地，但个薄饼就硬左少少。个汁好香椰味，入面有两小旧薯仔。仲有鱼干仔同花生，捞埋饭一齐食系好好味，多种口感。炸鸡略嫌个皮厚左啲，不过内里鸡肉都仲嫩滑既。另外碟边仲有个辣酱，都系好惹味，点个炸鸡食，正！海鲜虾面叫左渗渗，系油面同米粉两沟。虾有少少梅，唔太新鲜。个汤底都几辣，不过几惹味。