茶木‧台式休閒餐廳 (黃埔天地)

营业中

休息中

见lee度未有食评，以为冇咩人啦！点知成层美食坊系得lee间要攞飞劲多人 失觉失觉！未到7点去到，已经好多人，不过都唔算等好耐，20分钟左右就因为前面d人走左好多而有位。讲返食嘢，2个女仔唔系好饿，但又为食，所以叫左3样嘢，有dinner set 架！不过我想叫𠮶3样dinner set 都冇，所以散叫。卤水拼盘肾同牛都好腍，味道唔错盐酥鸡平时喺台湾食35台币左右一份，lee度收得55港币，当然有返咁上下份量！味道一般，可取之处系食落唔觉得成口油。香辣牛肉面够辣，唔算太大碗，牛肉唔系一片片，而系一旧旧角切嘅，但都好腍。水果冰红茶唔够冰，水果再新鲜d应该好饮d挂，不推介。食店环境方面…好光猛，全店射灯，有d热。不过好干净企理，厨房、侍应都快手，有礼貌。