Cafe 1950歐陸餐廳 (已結業)

平时就好少去马鞍山食饭，呢日同一个住马鞍山既朋友，系佢屋企楼下试左呢间欧陆餐厅。适逢圣诞，间餐厅都布置左D圣诞装饰，有棵雪白色圣诞树系出面，仲有其他饰物，都算几有圣诞气氛。其实我同我朋友都冇食过呢间野，拎起个餐牌，就求其根据自己口味叫左几样野食。呢个芝士汁海鲜配德国农夫包，虽然卖相好似有D奇怪，但系将D海鲜塞哂落个包都几特别，个芝士汁唔太浓唔会好腻，D海鲜都正常，加上我本身钟意食芝士，所以都觉得呢个唔错。呢只鸡黎到果时其实真系有D惊喜，我未试过见到成只鸡咁样上，食落虽然唔系太特别，同一般烤鸡差唔多，但系胜在够多汁，而且卖相羸哂，都值得一试！为左填肚，梗系要叫个饭，个饭一黎到，其实我嫌佢份量少左D，可能因为我谂住靠呢个饭食到好饱好饱啦。其实我就冇食过黑松露，所以都唔识评价，但系个饭都几香，D汁都有几重既海鲜味。最后呢个青口，其实我就冇咩期望，因为系其他餐厅都成日会食到青口，大约估都估到系咩味。一如所料，呢个青口味道正常，不过胜在质感够好，唔会觉得好韧好难咬，而且都入味，唔会觉得D汁同个青口系分开。总括黎讲，呢餐其实唔错，味道同卖相都几好，不过价钱就可能贵少少，但系间唔中食贵D都冇所谓啦，