影片
更多
2016-05-13
857 浏览
今早去Pacific Coffee, 经过海光街见到有新店舖卖鱼蛋肠粉炒米/面早餐, 见有条小队有点点人气就好自然埋去凑热闹买番份早餐试吓, 好, 先过对面马路, Let's go, Go Go Go~睇睇有咩好嘢食先~好多款都好想食, 肠粉、鱼蛋、烧卖、炒米又热腾腾咁好似几吸引, 又有五青汁...etc...etc...未谂好想食咩, 前面两位人兄一个炒面、一个叫炒米, 突然到我但我仲未选定! 望一望店面那两盘热气雾气满溢的面盘, 而且感觉不算油腻好似清清哋咁, 看似唔错~ 即刻有答案俾到阿姐: 阿姐笑笑口话: OK, 下次试, 今日食住炒米先~一打开, 配料蔬菜为主有椰菜及红萝卜丝, 正合我意! 食炒米我最紧要够'斋'唔驶料多, 何况十蚊咋, OK啦! 间中有两三条鱿鱼条带来咸香味道及有咬口, 算是这店的特色吧, 我就无咩所谓佢有定无. 米粉食落真的不太油, 这在于早餐来说非常重要! 希望保持水准, 加油啊~份量方面: 细胃口的女仔可以两人Share 一盒, 都几抵食!价钱方面: 份10元炒米份量真多, 大家乐净炒米唔要饮品就盛惠$15元, 足足便宜了一半.服务方面: 落柯打及收
睇睇有咩好嘢食先~
好多款都好想食, 肠粉、鱼蛋、烧卖、炒米又热腾腾咁好似几吸引, 又有五青汁...etc...etc...未谂好想食咩, 前面两位人兄一个炒面、一个叫炒米, 突然到我但我仲未选定! 望一望店面那两盘热气雾气满溢的面盘, 而且感觉不算油腻好似清清哋咁, 看似唔错~ 即刻有答案俾到阿姐: [净炒米呀唔该! 因为我买咗咖啡先行到嚟...]阿姐笑笑口话: [唔紧要, 我哋多少都卖, 新铺多啲帮趁, 下次试鱼蛋呀! 我哋主铺响铜锣湾都有多人赞我哋鱼蛋烧卖好好食.] OK, 下次试, 今日食住炒米先~
一打开, 配料蔬菜为主有椰菜及红萝卜丝, 正合我意! 食炒米我最紧要够'斋'唔驶料多, 何况十蚊咋, OK啦! 间中有两三条鱿鱼条带来咸香味道及有咬口, 算是这店的特色吧, 我就无咩所谓佢有定无. 米粉食落真的不太油, 这在于早餐来说非常重要! 希望保持水准, 加油啊~
份量方面: 细胃口的女仔可以两人Share 一盒, 都几抵食!价钱方面: 份10元炒米份量真多, 大家乐净炒米唔要饮品就盛惠$15元, 足足便宜了一半.
服务方面: 落柯打及收钱阿姐好好口又好笑容、四眼执食物的阿姐就有少少手忙脚乱转个头就唔记得人家叫的是什么, 但态度都是好街坊有点笑容唔错的、后防冲饮品的男士都系笑笑口, 所以感觉良好! 大佬呀, 依家卖早餐呀, 晨早流流你想见到笑面定X面? 我梗系识拣啦~
有少少意见: 我今日买的一份咸了少许, 希望不是它的恒常味道, 我会期望再淡口些就更好, 因为如果要食重口味的可以在店面'毕'少少豉油又或者要求加甜/麻/辣酱, 我今日正正是想'清清哋'所以叫炒米, 况且少盐少油少糖的早餐好似感觉健康啲, 留番肥・肥・肥quota下次用来食鱼蛋烧卖吧!!
张贴
